Uyoga huu wa Ajabu!



Dunia ina mengi ya kufurahisha na pia ya kustaajabisha kama sio kushangaza.

Juzi nikiwa nyumbani nimejipumzisha chini ya mti wenye kivuli kizuri huku nikipata upepo mwanana,ghafla nilianza kuhisi harufu kama ya mzoga(mnyama aliyekufa). Harufu ile iliniwewesesha kwa kweli na ndipo iliponilazimu kuanza kufuatilia huo mzoga ambao nilijua lazima utakuwa ni wa mnyama tu.


Nilifuatilia kwa makini katika eneo lile na kwa msaada wa kundi la inzi(ati wanasema inzi wana busara sana,huwa wako makini sana kutujulisha pale penye mzoga au kinyesi ili tusikanyage au kusogea karibu) niliweza kuona ulipo mzoga huo.


Nilisogea karibu pamoja na harufu kali ya mzoga. Kinyume na matarajio yangu, niliuona UYOGA unaostawi vizuri ndio huo hasa uliokuwa umezingirwa na nzi pale nchani. Niliona ni vema niupige picha na kisha nikauondoa nikaenda kuutupa mbali na harufu ile ikawa imetoweka.


Siku tatu baadae nikaihisi harufu ile na cha kwanza nilichofanya ni kwenda eneo lile na kukagua kama kuna uyoga wa aina ile. Kweli niliikuta miwili na nzi walikuwa wameizingira. Ilinibidi kwa mara nyingine tena iiondoe na kwenda kuitupa mbali na harufu ile inukayo kama ya mnyama aliyekufa ikakoma na hali ya hewa ikawa safi na mpaka sasa sijaona uyoga huo na sijahisi tena harufu hiyo kali.


Ni uyoga wa ajabu kwa kweli, na kama kuna yeyote aliyewahi kukutana nao au wenye utaalamu kuhusu uyoga(bila shaka ndugu Bennet,mzee wa Mitiki ni miongoni mwao)watupe maelezo ya kina kuhusu uyoga huu kwa kadiri wawezavyo.

Comments

Mzee wa Changamoto said…
Nami nilitaka kusema kuwa Kaka Benet atakuwa na utaalamu juu ya hili.
Tusubiri utaalamu wake.
April 25, 2010 at 3:18 PM
Albert Kissima said…
Ni kweli kaka. Uyoga huu umeendea kuota, na nimeendelea kuuchunguza. Nimefanikiwa kupata hatua ya mwanzo kabisa ya ukuaji wa uyoga huu. Hivi punde nitaweka picha ionyeshayo hatua hiyo.
April 26, 2010 at 8:22 PM
Bennet said…
Hii ni aina ya uyoga uitwao stinkhorns mushroom ni uyoga toka jamii ya phallales ambao mara nyingi hupatikana kama taka za mbao zimemwagwa sehemu
Uyoga huu pamoja na kuwa na harufu mbaya lakini hauna sumu lakini huwa na sumu unapoanza kuota tu
Njjia za kupambana nao ili kuuondoa ni kuondoa mara unapoanza kuota kabla ya kutoa harufu mbaya au mwagia copper sulphate iliyochanganywa na maji, pia unaweza kuondoa mabaki ya mbao ili usiote tena
April 30, 2010 at 2:56 AM
Albert Kissima said…
Nashukuru kaka Bennet kwa maelezo yako mazuri, nimeifurahia elimu hii kwa hakika.

Kwa bahati nzuri niliweza kupata hatua ya mwanzo kabisa ya uotaji wa uyoga huu. Nitaiweka pia kwa manufaa yangu na ya wengine katika harakati za kujifunza zaidi.
April 30, 2010 at 3:15 PM
Post a Comment

Popular posts from this blog

Mambo Makuu Manne ya Kuzingatia ili Kufanya Upimaji Endelevu Wenye Tija

Image
Picha: Blogger. Upimaji endelevu wa mwanafunzi ndio namna pekee ya kutoa taarifa za maendeleo ya ujifunzaji wa mwanafunzi katika kufikia malengo ya ujifunzaji yaliyokusudiwa kwake. Kwa hiyo, upimaji endelevu ni shuhguli ya msingi mno ya kuzingatiwa na mwalimu na wanafunzi.  Upimaji endelevu siyo shughuli ya mwalimu peke yake. Ni mchakato wa pamoja kati ya mwalimu na manafunzi. Hii ni kusema kuwa, upimaji endelevu ni sehemu ya ujifunzaji wa mwanafunzi na ufundishaji wa mwalimu. Ikiwa tunahitaji kuona upimaji wenye tija, basi kila mmoja ni lazima atimize wajibu wake kwa kushirikiana. NWEA katika chapisho lao la mwaka 2016 linaloelezea mambo makuu manne ya kuzingatia ili kuleta ufanisi kwenye upimaji endelevu, wanaeleza kuwa upimaji endelevu   ni mchakato wa pamoja kati ya mwalimu na wanafunzi wa kukusanya ushahidi wa ujifunzaji wa wanafunzi kwa lengo la kuboresha kile kinachoendelea darasani, kwa maana ya mchakato wa ujifunzaji wa wanafunzi.   Ili...
Read more

Mambo Muhimu ya Kuzingatia Katika Kuboresha na Kuongeza Ufanisi wa Shule.

Image
Umbali kati ya shule na waishipo wanafunzi, hususani kwa shule za kutwa, umebainishwa na watafiti wa elimu kuwa unaathiri masomo ya mwanafunzi. Picha kutoka Fullshangwe Blog . Imetumiwa bila ruhusa. Kama nilivyodokeza katika makala iliyotangulia, makala hii inajadili mambo kadhaa ya msingi ya kuzingatia ili kuboresha na kuongeza ufanisi wa shule, hususani za msingi na sekondari. Mambo haya ni matokeo ya tafiti mbalimbali za masuala ya uboreshaji na ufanisi wa shule. Ubora wa elimu Tanzania umeendelea kushuka siku hadi siku, na mikakati kadhaa ikiwamo ya matokeo makubwa sasa imeanzishwa katika kukabiliana na changamoto hii.. Harakati yoyote ya kuboresha ufanisi na ubora wa shule hauna budi kuzingatia mambo kadhaa yakiwemo haya takayoyajadili hivi punde kwa mujibu wa tafiti mbalimbali za kielimu. Uongozi bora Tafiti za masuala ya ufanisi wa shule zinaonesha kuwa, wakuu wa shule wamekuwa kiini cha mafanikio ya shule.   Tafiti hizi zinaonesha kuwa, ubora wao hufikiwa pale ...
Read more

Kubadilika kwa Mitaala: Walimu na Wanafunzi Wabadilike kwa Namna Gani?

Image
Kila mwanafunzi anajituma wakati wa kujifunza katika harakati za kufikia malengo yao ya ujifunzaji. Picha: Mwandishi wa makala Kama mnakumbuka, kati ya mwaka 2005 na  2007 yalitokea mabadiliko ya mitaala, hususani kwa shule za msingi, sekondari na vyuo vya Ualimu. Kulikuwa na msemo uliovuma sana wa "muhamo wa ruwaza" au "paradigm shift" kwa kiingereza. Ruwaza ni mfumo au imani inayomuwezesha mtu kutekeleza jambo fulani kulingana na matakwa na taratibu fulani zinazofahamika. Kwenye ufundishaji, iliaminika kuwa mitaala yetu ilikuwa ya mfumo unaomuona mwalimu kama chanzo cha maarifa na mwanafunzi kama pipa linalosubiri kujazwa tu maarifa. Mitaala mipya inaaminika kuwa ya ruwaza tofauti, ndio maana mabadiliko haya yakaitwa ya kuhama kwa ruwaza. Namna mitaala ilivyoandikwa na namna ya kuitekeleza ni miongoni mwa mabadiliko haya. Kwa mfano, mabadiliko haya yalipelekea maandalio ya masomo yawe na kipengele cha upimaji kwa kila hatua ya somo. Pia, zimependekezw...
Read more