Tule papai kivingine kabisa.

Papai bichi linaweza kutumika kama mboga.

Twendeni jikoni pamoja. Hata wanaume tunaweza, eti haturuhusiwi kuingia jikoni! Mke akiugua au akisafiri!
Twende pamoja.

1. Chukua mapapai yako mabichi yaliyokomaa ila bado kuiva.

2. Yaoshe, kisha yachonge vizuri halafu uyaoshe tena kwani yatakuwa na utomvu.


3. Yakwangue na kikwaruzio cha karoti, hapo utapata saizi ndogo ndogo kama wakati unapokwaruza karoti. Baada ya hapo, chemsha kwa muda mfupi na maji kidogo, kisha epua.


5. Kaanga kitunguu pembeni kisha weka nyanya kulingana wingi wa mboga zako, pia na karoti kama zipo, acha mchanganyiko huu uive vizuri mpaka kupata rojo ya nyanya.


6.Weka mchemsho wako wa mapapai kisha, changanya vizuri na acha mboga yako iive vizuri, pia usisahau kuweka chumvi kwa kadiri ya kipimo chako.

Kwa wale wanaoweza kupata mapapai, wajaribu kupika mboga hii, ni tamu sana.

Nimtakie kila mmoja atakayesoma hapa wakati mzuri na muwe na furaha kila sekunde ya maisha yenu.

Comments

Yasinta Ngonyani said…
Asante kwa hii mboga mpya ya papai. Nitakapofika tena huko nyumbani nitajaribu. Kwani huku ni bei sana. Papai moja ni shilingi 3000/=
May 30, 2009 at 6:45 PM
Albert Kissima said…
Pole sana dada Yasinta, hakika mapapai huko ni ghali sana!
Karibu Moshi huku mapapai bure kabisa.
May 30, 2009 at 8:57 PM
Yasinta Ngonyani said…
Asante sana Kissima Itabidi nije huko Moshi. kwani hali ya hewa ya huko itapatani nami na ntakula mapapai mengi.
May 30, 2009 at 10:11 PM
Albert Kissima said…
Karibu sana dada Yasinta.
May 31, 2009 at 3:28 AM
mumyhery said…
papai bichi!!! sijui ntalipata wapi jamani, afadhali ungesema la kuiva labda nigepata hata la kopo
May 31, 2009 at 1:59 PM
Albert Kissima said…
Usihofu dada Mumyhery, siku ukirudi huku nyumbani utaandaa mboga hiyo ya papai.
Nakushukuru kwa kukitembelea kibaraza changu, karibu tena na tena.
May 31, 2009 at 6:24 PM
Anonymous said…
Jtgt
June 5, 2009 at 4:50 PM
Mzee wa Changamoto said…
Kwanza nishukuru kwa kututakia wakati mzuri. Ni baraka saana kupata baraka toka kwa watu wema kama wewe.
Pili nashukuru kwa "maungo" haya ambayo nikijaaliwa kulinyaka hilo papai bichi itakuwa "muswano"
Blessings
June 6, 2009 at 3:50 AM
Serina said…
Nimesoma papai bichi nikafikiria biriani... nami nitajaribu.
June 6, 2009 at 9:36 PM
Albert Kissima said…
Ni papai bichi dada Serina, ambalo ganda lake halijakuwa la njano,bado la kijani kabisa. Jaribu, halafu utaniambia mboga hiyo jinsi ilivyo nzuri.
June 7, 2009 at 2:24 PM
Yasinta Ngonyani said…
Kissima upo mzima naona umepotea kweli?
June 17, 2009 at 4:50 PM
Albert Kissima said…
Mimi sijambo dada Yasinta,mimi mzima wa afya.
Majukumu fulani fulani tu yamenitinga,
lakini tupo pamoja.
June 18, 2009 at 6:13 PM
Post a Comment

Popular posts from this blog

Mambo Makuu Manne ya Kuzingatia ili Kufanya Upimaji Endelevu Wenye Tija

Image
Picha: Blogger. Upimaji endelevu wa mwanafunzi ndio namna pekee ya kutoa taarifa za maendeleo ya ujifunzaji wa mwanafunzi katika kufikia malengo ya ujifunzaji yaliyokusudiwa kwake. Kwa hiyo, upimaji endelevu ni shuhguli ya msingi mno ya kuzingatiwa na mwalimu na wanafunzi.  Upimaji endelevu siyo shughuli ya mwalimu peke yake. Ni mchakato wa pamoja kati ya mwalimu na manafunzi. Hii ni kusema kuwa, upimaji endelevu ni sehemu ya ujifunzaji wa mwanafunzi na ufundishaji wa mwalimu. Ikiwa tunahitaji kuona upimaji wenye tija, basi kila mmoja ni lazima atimize wajibu wake kwa kushirikiana. NWEA katika chapisho lao la mwaka 2016 linaloelezea mambo makuu manne ya kuzingatia ili kuleta ufanisi kwenye upimaji endelevu, wanaeleza kuwa upimaji endelevu   ni mchakato wa pamoja kati ya mwalimu na wanafunzi wa kukusanya ushahidi wa ujifunzaji wa wanafunzi kwa lengo la kuboresha kile kinachoendelea darasani, kwa maana ya mchakato wa ujifunzaji wa wanafunzi.   Ili kufanya mchak
Read more

Mambo Muhimu ya Kuzingatia Katika Kuboresha na Kuongeza Ufanisi wa Shule.

Image
Umbali kati ya shule na waishipo wanafunzi, hususani kwa shule za kutwa, umebainishwa na watafiti wa elimu kuwa unaathiri masomo ya mwanafunzi. Picha kutoka Fullshangwe Blog . Imetumiwa bila ruhusa. Kama nilivyodokeza katika makala iliyotangulia, makala hii inajadili mambo kadhaa ya msingi ya kuzingatia ili kuboresha na kuongeza ufanisi wa shule, hususani za msingi na sekondari. Mambo haya ni matokeo ya tafiti mbalimbali za masuala ya uboreshaji na ufanisi wa shule. Ubora wa elimu Tanzania umeendelea kushuka siku hadi siku, na mikakati kadhaa ikiwamo ya matokeo makubwa sasa imeanzishwa katika kukabiliana na changamoto hii.. Harakati yoyote ya kuboresha ufanisi na ubora wa shule hauna budi kuzingatia mambo kadhaa yakiwemo haya takayoyajadili hivi punde kwa mujibu wa tafiti mbalimbali za kielimu. Uongozi bora Tafiti za masuala ya ufanisi wa shule zinaonesha kuwa, wakuu wa shule wamekuwa kiini cha mafanikio ya shule.   Tafiti hizi zinaonesha kuwa, ubora wao hufikiwa pale wana
Read more

Kubadilika kwa Mitaala: Walimu na Wanafunzi Wabadilike kwa Namna Gani?

Image
Kila mwanafunzi anajituma wakati wa kujifunza katika harakati za kufikia malengo yao ya ujifunzaji. Picha: Mwandishi wa makala Kama mnakumbuka, kati ya mwaka 2005 na  2007 yalitokea mabadiliko ya mitaala, hususani kwa shule za msingi, sekondari na vyuo vya Ualimu. Kulikuwa na msemo uliovuma sana wa "muhamo wa ruwaza" au "paradigm shift" kwa kiingereza. Ruwaza ni mfumo au imani inayomuwezesha mtu kutekeleza jambo fulani kulingana na matakwa na taratibu fulani zinazofahamika. Kwenye ufundishaji, iliaminika kuwa mitaala yetu ilikuwa ya mfumo unaomuona mwalimu kama chanzo cha maarifa na mwanafunzi kama pipa linalosubiri kujazwa tu maarifa. Mitaala mipya inaaminika kuwa ya ruwaza tofauti, ndio maana mabadiliko haya yakaitwa ya kuhama kwa ruwaza. Namna mitaala ilivyoandikwa na namna ya kuitekeleza ni miongoni mwa mabadiliko haya. Kwa mfano, mabadiliko haya yalipelekea maandalio ya masomo yawe na kipengele cha upimaji kwa kila hatua ya somo. Pia, zimependekezw
Read more