Lijue na hili




Wakati mwingine wanyama(wafugwao majumbani na hata wale wa kwenye hifadhi) wanapopatwa na matatizo(mfano ugonjwa), inakuwa vigumu kutambua. Kwa kiasi kikubwa unahitajika utaalamu na uzoefu ili kuweza kugundua mapema kabla hali haijakuwa mbaya na hata kupelekea kumpoteza mnyama.


Je, wafahamu dalili ya awali kabisa pale ng'ombe anapokuwa amepatwa na ugonjwa fulani?


Kama unajua,ni vema,utanisadia kuboresha,na kama ulikuwa hujui,basi, ni wakati wako mzuri wa kujifunza.


Kwa kawaida ng'ombe mwenye afya njema pua yake huwa na unyevunyevu wakati wote. Kwa ng'ombe ambaye ameanza au anayeshambuliwa na ugonjwa, pua yake huwa kavu kabisa. Kwa hiyo pindi uonapo pua ya ng'ombe imekuwa kavu, chukua hatua za haraka za kumuita mtaalamu kwa uchunguzi zaidi na matibabu.

Comments

Fadhy Mtanga said…
Ahsante sana kaka kwa darasa hili. Mimi siku zote nilidhani pua ya ng'ombe ikiwa na unyevu basi ngombe iyo iko gonjwa. Kumbe sivyo.
April 25, 2010 at 11:56 AM
Albert Kissima said…
Ndio hivyo kaka, ng'ombe akiwa na unyevu kwenye pua ni dalili nzuri sana ya kuwa hana tatizo, hususani ugonjwa.
April 25, 2010 at 12:23 PM
Yasinta Ngonyani said…
Hata mie nilidhani kama mtani Fadhy Ahsante sana kwa darasa zuri
April 25, 2010 at 1:28 PM
Mzee wa Changamoto said…
Wasilojua baadhi ya watu ni kuwa kuna baadhi ya vitu ambavyo kuonekana vibaya ndio uzuri wake.
Mtoto akizaliwa na asipolia basi watu watakuwa na mashaka na watajitahidi kumfanya alie.
Milango ikibamizwa siku za mwanzo za maisha ya mtoto na asishutuke basi kuna wasiwasi na uwezo wake kusikia.
Sasa umenipa hii ya "constant flu" ya ng'ombe kuwa ni kitu chema.
Great darsa.
Blessings
April 25, 2010 at 2:45 PM
Albert Kissima said…
Dada Yasinta nami nashukuru,

Kaka Mubelwa, usemacho ni kweli. Hata ng'ombe azaapo,nimeshuhudia vyuma vyenye sauti kali vikipigwa, na lengo hasa ni kumfanya ndama alie.
April 26, 2010 at 8:14 PM
Bennet said…
Wakati jua la asubuhi linapotoka angalia ngozi za ng'ombe wako kama zinakuwa na rangi ya kahawia na zinang'aa au kumeta meta basi ujue washaambukizwa ndorobo na mbung'o wanahitaji dawa zizi zima hata kama si wote wanaumwa
April 30, 2010 at 3:00 AM
Albert Kissima said…
Shukrani tena na tena kaka Bennet, ni darasa zuri kwa hakika. Wanablog na jamii kwa ujumla tunafurahia uwepo wako.
April 30, 2010 at 3:27 PM
Albert Kissima said…
Shukrani tena na tena kaka Bennet, ni darasa zuri kwa hakika. Wanablog na jamii kwa ujumla tunafurahia uwepo wako.
April 30, 2010 at 3:31 PM
Post a Comment

Popular posts from this blog

Mambo Makuu Manne ya Kuzingatia ili Kufanya Upimaji Endelevu Wenye Tija

Image
Picha: Blogger. Upimaji endelevu wa mwanafunzi ndio namna pekee ya kutoa taarifa za maendeleo ya ujifunzaji wa mwanafunzi katika kufikia malengo ya ujifunzaji yaliyokusudiwa kwake. Kwa hiyo, upimaji endelevu ni shuhguli ya msingi mno ya kuzingatiwa na mwalimu na wanafunzi.  Upimaji endelevu siyo shughuli ya mwalimu peke yake. Ni mchakato wa pamoja kati ya mwalimu na manafunzi. Hii ni kusema kuwa, upimaji endelevu ni sehemu ya ujifunzaji wa mwanafunzi na ufundishaji wa mwalimu. Ikiwa tunahitaji kuona upimaji wenye tija, basi kila mmoja ni lazima atimize wajibu wake kwa kushirikiana. NWEA katika chapisho lao la mwaka 2016 linaloelezea mambo makuu manne ya kuzingatia ili kuleta ufanisi kwenye upimaji endelevu, wanaeleza kuwa upimaji endelevu   ni mchakato wa pamoja kati ya mwalimu na wanafunzi wa kukusanya ushahidi wa ujifunzaji wa wanafunzi kwa lengo la kuboresha kile kinachoendelea darasani, kwa maana ya mchakato wa ujifunzaji wa wanafunzi.   Ili...
Read more

Mambo Muhimu ya Kuzingatia Katika Kuboresha na Kuongeza Ufanisi wa Shule.

Image
Umbali kati ya shule na waishipo wanafunzi, hususani kwa shule za kutwa, umebainishwa na watafiti wa elimu kuwa unaathiri masomo ya mwanafunzi. Picha kutoka Fullshangwe Blog . Imetumiwa bila ruhusa. Kama nilivyodokeza katika makala iliyotangulia, makala hii inajadili mambo kadhaa ya msingi ya kuzingatia ili kuboresha na kuongeza ufanisi wa shule, hususani za msingi na sekondari. Mambo haya ni matokeo ya tafiti mbalimbali za masuala ya uboreshaji na ufanisi wa shule. Ubora wa elimu Tanzania umeendelea kushuka siku hadi siku, na mikakati kadhaa ikiwamo ya matokeo makubwa sasa imeanzishwa katika kukabiliana na changamoto hii.. Harakati yoyote ya kuboresha ufanisi na ubora wa shule hauna budi kuzingatia mambo kadhaa yakiwemo haya takayoyajadili hivi punde kwa mujibu wa tafiti mbalimbali za kielimu. Uongozi bora Tafiti za masuala ya ufanisi wa shule zinaonesha kuwa, wakuu wa shule wamekuwa kiini cha mafanikio ya shule.   Tafiti hizi zinaonesha kuwa, ubora wao hufikiwa pale ...
Read more

Kubadilika kwa Mitaala: Walimu na Wanafunzi Wabadilike kwa Namna Gani?

Image
Kila mwanafunzi anajituma wakati wa kujifunza katika harakati za kufikia malengo yao ya ujifunzaji. Picha: Mwandishi wa makala Kama mnakumbuka, kati ya mwaka 2005 na  2007 yalitokea mabadiliko ya mitaala, hususani kwa shule za msingi, sekondari na vyuo vya Ualimu. Kulikuwa na msemo uliovuma sana wa "muhamo wa ruwaza" au "paradigm shift" kwa kiingereza. Ruwaza ni mfumo au imani inayomuwezesha mtu kutekeleza jambo fulani kulingana na matakwa na taratibu fulani zinazofahamika. Kwenye ufundishaji, iliaminika kuwa mitaala yetu ilikuwa ya mfumo unaomuona mwalimu kama chanzo cha maarifa na mwanafunzi kama pipa linalosubiri kujazwa tu maarifa. Mitaala mipya inaaminika kuwa ya ruwaza tofauti, ndio maana mabadiliko haya yakaitwa ya kuhama kwa ruwaza. Namna mitaala ilivyoandikwa na namna ya kuitekeleza ni miongoni mwa mabadiliko haya. Kwa mfano, mabadiliko haya yalipelekea maandalio ya masomo yawe na kipengele cha upimaji kwa kila hatua ya somo. Pia, zimependekezw...
Read more